Samarqand viloyati
Maktabgacha ta'lim boshqarmasi
w w w . s a m u d o . u z

Samarqand viloyatida maktabgacha ta'lim sohasida 2017-2020 yillarda amalga oshirilgan ishlar va 2021-2022 yillar bajariladigan ustuvor vazifalar to‘g‘risida M A ' L U M O T

                                                                   

2020 yilning o‘tgan davrida yangidan qurilgan va rekonstruksiya qilingan davlat bog‘chalari, barpo etilgan nodavlat, shu jumladan davlat-xususiy sheriklik asosida tashkil etilgan maktabgacha ta'lim tashkilotlari (keyingi o‘rinlarda-MTT). Buning natijasida tumanlar kesimida maktabgacha ta'lim qamrovining o‘zgarishi.

Maktabgacha ta'lim vazirligi tashkil topgunga qadar Samarqand viloyatidagi mavjud MTTlarini moddiy-texnik bazasini mustahkamlash bo‘yicha yetarli darajada e'tibor qaratilmagan.

2017 yilning oxiridan boshlab maktabgacha ta'lim tizimida yangi tub islohotlar amalga oshirilishi, shu jumladan MTTlarini yangidan  qurish, rekonstruksiya qilish, mukammal ta'mirlash shuningdek, davlat-xususiy sheriklik tizimini joriy etilishi natijasida
3-7 yoshdagi bolalarni qamrab olish darajasi keskin ko‘tarildi.

2017 yilda MTTlari soni 564 tani tashkil qilgan bo‘lsa, 2020 yilda jami 2 421 ta MTTlari tashkil etilgan bo‘lib, ushbu ko‘rsatgich o‘tgan davrga nisbatan 1 857 taga oshirildi. Shundan, 141 ta davlat, 73 ta xususiy, 102 ta DXSH va 1 541 ta oilaviy MTTlardir.

Ushbu ko‘rsatgich yillar kesimida quyidagicha:

 

Yillar

MTT soni

Shundan:

Davlat

Tashkilot

Xususiy

DXSH

Oilaviy

2017 yil

564

555

1

8

-

-

2018 yil

637

613

3

21

-

-

2019 yil

2 027

656

1

68

50

1 252

2020 yil

2 421

696

1

81

102

1 541

 

Samarqand viloyatida 3-7 yoshdagi bolalar soni 337 121 nafar bo‘lib, shundan  212 229 nafari  (63,0 %) maktabgacha ta'limga qamrab olingan. 2017 yilda bu ko‘rsatkich 20,9 % ni tashkil qilgan.

Bolalarni maktabgacha ta'limga qarab olish dinamikasi quyidagi jadvalda keltirilgan:

Parametrlar

2017 yil

2018 yil

2019 yil

2020 yil yakuniga

3-7 yoshdagi bola soni

305 068

305 068

323 916

337 121

Qamralgan bola soni

63 621

79 262

163 231

212 229

Qamrov (%)

20,9

26,0

50,4

63,0

 

2020 yil davomida 40 ta davlat, 13 ta nodavlat (xususiy), 54 ta davlat-xususiy sherikchilik va 289 ta oilaviy nodavlat maktabgacha ta'lim tashkilotlari tashkil etilgan.

Viloyatda maktabgacha ta'limga bolalar qamrovini joriy yilda 63 foizga yetkazilgan, 2021 yilda 70 foizga va 2022 yilda 77,0 foizga yetkazish rejalashtirilgan.

Samarqand viloyatda 2017-2019 yillarda MTTlarining moddiy texnik xolatini yaxshilash uchun 390,3 mlrd.so‘m mablag‘  ajratilgan.

Shundan:

- Investitsiya dasturi asosida 126 ta MTT qurilish-ta'mirlash ishlari uchun 286,2 mlrd. so‘m (6 ta yangi qurilish, 116 ta rekonstruksiya va 4 ta mukammal ta'mirlash);

- Mahalliy byudjet mablag‘lari hisobidan qurilish ta'mirlash ishlari uchun 57 ta MTTga 104,1 mlrd. so‘m (13 ta yangi qurilish,
26 ta rekonstruksiya va 18 ta mukammal ta'mirlash)
ajratilgan.

2020 yilda 47 ta davlat MTTlarining qurilish-ta'mirlash ishlari uchun 143,0 mlrd.so‘m mablag‘ ajratildi.

Shundan:

- Investitsiya dasturi asosida 41 ta (1 ta yangi qurilish, 40 ta rekonstruksiya) MTTlarining qurilish-ta'mirlash ishlariga 126,9 mlrd. so‘m ajratilib, bugungi kunda 126,9 mlrd.so‘mga (100%) moliyalashtirilgan hamda qurilish-ta'mirlash ishlari 126,9 mlrd.so‘mga (100%)  bajarildi.

- Inqirozga qarshi ko‘rashish jamg‘armasining mablag‘lari hisobidan 6 ta ta'lim muassasalarini rekonstruksiya qilish uchun 16,1 mlrd.so‘m mablag‘ ajratilib, bugungi kunda qurilish-ta'mirlash ishlari 100% ga bajarildi.

2021-2022 yillar Investitsiya dasturiga quyidagi mezonlarni inobatga olgan holda shakllantirildi:

- qamrov darajasi past bo‘lgan hududlar;

- og‘ir axvoldagi ta'mirga muxtoj bo‘lgan MTTlar;

Tizimda ta'lim-tarbiya jarayonining sifatini oshirish bo‘yicha maktabgacha yoshdagi bolalarni uyda tarbiyalayotgan ota-onalarga atrof olamni o‘rgatish, ta'limiy-tarbiyaviy bilim berish, nutq va mantiq qobiliyatlarini rivojlantirish maqsadida, ota-onalar bilan hamkorlikda ish olib borishlari uchun ularning talab va takliflarini hisobga olgan holda ta'lim-tarbiyaviy ishlarini tashkil qilish,  uslubiy yordam ko‘rsatish maqsadida an'naviy va onlayn tartibda doimiy mashg‘ulotlar olib borilmoqda.

Bundan tashqari, 2021 yilda maktabgacha ta'limning qisqa muddatli guruhlari (play groups – olis hududlarda o‘quv materiallar va inventarlar bilan jihozlangan xonalarda turli yoshdagi bolalar uchun kuniga 3-4 soatlik mashg‘ulotlar) tashkil etilishi belgilangan.

Bolalarni uyiga tashrif buyurish (home visits - pedagog tomonidan maktabgacha ta'lim bilan qamrab olinmagan bolalarga tashriflar) ko‘zda tutilgan. Oila metodik to‘plam bilan ta'minlanadi. Mashg‘ulotlardan tashqari, pedagog ota-onalarga metodik materiallardan uy sharoitida foydalanishni tushuntiradi) maktabgacha ta'lim xizmatlari joriy etiladi va rivojlantiriladi.

O‘zbekiston Respublikasi Prezidentining 2020 yil
5 oktyabrda qabul qilingan “Raqamli O‘zbekiston – 2030” strategiyasini tasdiqlash va uni samarali amalga oshirish chora-tadbirlari to‘g‘risida”gi PF-6079-sonli farmoni ijrosini ta'minlash orqali, davlat maktabgacha ta'lim tashkilotlarida bolalar davomati va salomatligini onlayn monitoring qilish bo‘yicha “Bolalar bog‘chasi” axborot boshqaruv tizimini yo‘lga qo‘yiladi hamda mazkur tizimni boshqa vazirlik va idoralarning axborot tizimi bilan integratsiya qilish imkoniyati yaratiladi.

Shuningdek, maktabgacha ta'lim tizimida zamonaviy o‘qitish shakllari, yangi pedagogik va axborot texnologiyalarni joriy qilish hamda maktabgacha ta'lim xizmatlari uchun elektron to‘lovlarni nazorat qilish uchun xizmat qiladi.

2021 yil Investitsiya dasturida 16 ta obyektlarini rekonstruksiya qilish ishlariga 64,4 mlrd so‘m mablag‘ sarflanishi rejalashtirilgan. Ushbu obyektlarda qo‘shimcha 1 335 ta o‘rin yaratiladi.

Shu bilan birga 550 o‘ringa mo‘ljallangan 6 ta davlat-xususiy sherikchilik,  10 000 quvvatga ega bo‘lgan 400 ta oilaviy nodavlat, 1 550 o‘ringa mo‘ljallangan 15 ta xususiy maktabgacha ta'lim tashkilotlarini tashkil etish rejalashtirilib, jami 13 435 nafar bolalar qamrab olinadi.

2022 yil Investitsiya dasturida 55 ta obyektlarning qurilish-ta'mirlash ishlariga 236,7 mlrd. so‘m mablag‘ sarflanishi rejalashtirilgan bo‘lib, 11 ta yangi qurilish, 33 ta rekonstruksiya va 11 ta mukammal ta'mirlash natijasida qo‘shimcha 3 155 ta o‘rin yaratiladi.

Shu bilan birga 820 o‘ringa mo‘ljallangan 8 ta davlat-xususiy sherikchilik, 8 750 o‘ringa mo‘ljallangan 350 ta oilaviy nodavlat, 925 o‘ringa mo‘ljallangan 10 ta xususiy maktabgacha ta'lim tashkilotlarini tashkil etish rejalashtirilib, 2022 yil yakuniga jami 13 650 nafar bolalar qamrab olinadi.

QO‘SHIMCHA MA'LUMOTLAR

 

  1. Viloyatda investitsiya dasturi doirasida bo‘sh turgan 22 ta (2320 o‘rinli) MTTlar binolari rekonstruksiya qilindi hamda 17 ta (1 980 o‘rinli) boshqa vazirlik va idoralarining bo‘sh turgan ijtimoiy soha obyektlari maktabgacha ta'lim tizimi tasarrufiga o‘tkazilib, mahalliy byudjet mablag‘lari hisobidan qurilish-ta'mirlash ishlari amalga oshirildi.

 

  1. 2020/2021 yilida viloyatdagi 11 ta pedagogika kollejlariga 7 ta mutaxassisliklar bo‘yicha jami 4 512 nafar arizalar qabul qilingan. Shundan:

- “Maktabgacha ta'lim” – 2872 nafar

- “Maktabgacha ta'lim yordamchi tarbiyachisi” – 716 nafar

- “Musiqa ta'limi” – 236 nafar

- “Jismoniy tarbiya” – 172 nafar

- “Kutubxonashunoslik” – 164 nafar

- “Oshpaz-qandolatchi” – 138 nafar

- “Maishiy masalalar menejeri” – 214 nafar.

Joriy yilning 23-28-noyabr kunlari o‘tkazilgan test sinovlari natijalariga ko‘ra jami 4 221 nafar abituriyentlar o‘quvchilar safiga qabul qilindi. Shundan, 402 nafari davlat granti va
3 819 nafari to‘lov-kontrakt asosida o‘qishga qabul qilindi.

 

  1. Hozirgi kunda viloyatdagi 697 ta davlat MTTlaridan
    239 tasi ta'mirtalab ahvolda. Shundan, 136 tasi rekonstruksiyaga va
    103 tasi mukammal ta'mirga muxtoj.

 

  1. Viloyatdagi 1 094 ta MFYlardan 147 tasida maktabgacha ta'lim tashkilotlari mavjud emas.

 

  1. Samarqand viloyatida jami 7 ta ixtisoslashtirilgan MTT faoliyat yuritmoqda. Maktabgacha ta'lim vazirining 2020 yil 27 noyabrdagi 186-sonli buyrug‘iga asosan 3 tasi (Samarqand sh. 60, 78, Kattaqo‘rg‘on sh. 10-MTT) ko‘p tarmoqli ixtisoslashtirilgan MTT maqomiga berilmoqda. Qolgan 4 tasi (Samarqand shahrida 57 va 114-MTT, Bulung‘urda 8-MTT, Pastdarg‘omda 2-MTT) umumiy tipdagi MTTga aylantirilmokda. Jami bolalar soni 507 nafarni tashkil etadi.

Kiritilgan vaqti: 02/01/2021 17:02;   Ko‘rilganligi: 803
 
Material manzili: https://www.samudo.uz/press/press-releases/samarqand-viloyatida-maktabgacha-talim-sohasida-2017-2020-yillarda-amalga-oshirilgan-ishlar-va-2021-2022-yillar-bajariladigan-ustuvor-vazifalar-togrisida-m-a-l-u-m-o-t
Chop etilgan vaqti: 21/05/2022 02:05
Matnni o‘qish uchun ushbu tugmani bosing