"Дўстлик" МФЙ ҳудудида тадбиркор Ш.Тўраева томонидан давлат хусусий шерикчилик асосида бунёд этилган, умумий қиймати 2 млрд 9 млн сўмлик мактабгача таълим муассасасини фойдаланишга топширилди. "Камалак" номли ушбу 100 ўринли муассасада болажонлар таълим- тарбия олишлари учун барча шарт- шароитлар яратилган.    

Шунингдек, бугун тадбиркор И.Усмонов томонидан "М.Улуғбек" маҳалласида қурилган "Миттижон" номли 50 ўринли нодавлат (хусусий) мактабгача таълим муассасаси ҳам ўз фаолиятини бошлади.

Очилиш маросимида қатнашган туман ҳокими А.Бахромов ушбу мактабгача таълим муассасалари мамлакатимиз келажаги йўлида муносиб хизмат қилишини эътироф этди.