Самарқанд вилояти
Мактабгача таълим бошқармаси
w w w . s a m u d o . u z

Жорий йилнинг 10-11 август кунлари мактабгача таълим муассасалари ўртасида “Йилнинг энг яхши мактабгача таълим муассасаси ошпази” ҳамда “Йилнинг энг намунали ошхонаси” кўрик-танловларининг Республика босқичи бўлиб ўтди.

Мактабгача таълим муассасаларининг ошпазлари ҳамда ошхоналари ўртасидаги кўрик-танловларнинг Республика босқичи Тошкент вилоятининг Бўстонлиқ туманида ўтказилди.

“Йилнинг энг яхши мактабгача таълим муассасаси ошпази” кўрик-танловининг вилоят босқичида 1-ўринни қўлга киритган Самарқанд шаҳридаги 94-сон давлат мактабгача таълим муассасаси ошпази М.Тўхтаева танловда иштирок этиб, “Йилнинг энг намунали ошпази” номинациясини қўлга киритди.

Шунингдек, “Йилнинг энг намунали ошхонаси” кўрик-танловининг вилоят босқичида 1-ўринни қўлга киритган Самарқанд шаҳридаги 98-сон давлат мактабгача таълим муассасаси танловда иштирок этиб, фахрли 2-ўринни қўлга киритиб, Мактабгача таълим вазирлиги, Ўзбекистон ошпазлар уюшмаси ҳамда Ўзбекистон таълим, фан ва маданият ходимлари касаба уюшмаси қўмитаси томонидан диплом, кубок ва эсдалик учун совғалар билан тақдирландилар. 

 


Охирги ўзгариш вақти: 16/08/2018 17:52;   Кўрилганлиги: 1841
 
Материал манзили: https://www.samudo.uz/press/contests/joriy-yilning-10-11-avgust-kunlari-maktabgacha-talim-muassasalari-ortasida-yilning-eng-yaxshi-maktabgacha-talim-muassasasi-oshpazi-hamda-yilning-eng-namunali-oshxonasi-korik-tanlovlarining-respublika-bosqichi-bolib-otdi
Чоп этилган вақт: 28/10/2021 13:10
Матнни ўқиш учун ушбу тугмани босинг