Последние новости

Ҳурматли, мактабгача таълим тизими ходимлари!

05-08-2020 14:57

Мактабгача таълим ташкилотларида коронавирус пандемияси шароитида иш жараёнини ташкил этиш буйича маълумотлар https://t.me/Salomatlik_alifbosi телеграм каналида тақдим этилади. Сизлардан барча мактабгача таълим тизими ходимларини хабардор қилишни сўраймиз!

 

Шикоят мурожаати юзасидан вилоят Мактабгача таълим бошқармаси атрофлича ўрганиш олиб борди.

05-08-2020 14:53

Мазкур шикоят мурожаати юзасидан вилоят Мактабгача таълим бошқармаси атрофлича ўрганиш олиб борди. Унга кўра даъвогар М.Хурсанованинг жавобгар Паст Дарғом туман мактабгача таълим бўлимига нисбатан ишга тиклаш ва мажбурий прогул кунлари учун 15.000.000 (ўн беш миллион) сўм иш ҳақларини ва 100.000.000 (юз миллион) сўм маънавий зарарни ундириш тўғрисидаги даъво аризаси 2020 йил 26 июнь куни Паст Дарғом туман фуқаролик ишлари бўйича суди биносида Нуробод туман фуқаролик ишлари бўйича суди раиси Н.Мирзаев раислигида бўлиб ўтди.
Суд жараёнида даъвогар М.Хурсанова ўзини ноқонуний ишдан олинганлигини ва иш ноқонуний кўрилаётганлигини, бўлим томонидан расмийлаштирилган ҳужжатларни қонунга зид эканлигини эьтироф этди.
Шундан сунг судга М.Хурсановани ишдан олиш бўйича расмийлаштирилган ҳужжатлардан нусхалар берилди.
Паст Дарғом туман фуқаролик ишлари бўйича судининг 2020 йил 26 июнь кунидаги қарори билан ФПК нинг 249-253 моддаларига қўлланиб даъвогар М.Хурсанованинг даъво аризаси суд тартибида рад этилган. Шикоят асосли деб топилмади.

 

Қадрли юртдошлар!

30-07-2020 12:15

Муқаддас Қурбон ҳайити барчамизга муборак бўлсин! Ушбу қутлуғ кунда инсон кўнглида  меҳр-шафқат, саховат ва мурувват, қаноат ва шукроналик туйғулари янада жўш уради.
Муҳтарам Президентимиз Шавкат Мирзиёевнинг шу йил 24 июлда эълон қилинган «Қурбон ҳайитини нишонлаш тўғрисида»ги Қарори асосида байрамни уйда карантин қоидаларига риоя қилган ҳолда, миллий анъана ва урф-одатларимизга мос равишда ўтказамиз. Бу куни  қилинадиган яна бир эзгу иш – меҳрга ташна инсонларга байрам кайфияти улашиш,  айниқса, хаста  беморларни ғойибона бўлсада, тезроқ соғайишларини тилаб дуолар қилишдир. Кейинги айёмларга ҳам соғ-омонликда етказсин.  Юртимиз тинч,  осмонимиз мусаффо бўлсин ! Бу синовли кунлар тезда ўтиб яна байрамлар,  яхши кунларда дийдор кўришайлик. Оламни фарзандларимизнинг кулгулари шодликка тўлдирсин! Барчангизни вилоят Мактабгача таълим бошқармаси жамоаси номидан Ийд ул Қурбон ҳайити  билан муборакбод этамиз.

 
 

“Битта боғчада 400 (тўрт юз)миллион сўм камомад бўлса...”

13-07-2020 10:43

2020 йил апрель ойида фейсбук ижтимоий тармоғида билдирилган  “Битта боғчада 400 (тўрт юз)миллион сўм камомад бўлса...”  мавзусидаги танқидий фикр - мулоҳазалар юзасидан   Самарқанд вилоят Мактабгача таълим бошқармаси томонидан билдирилган  муносабат

 

КЎРГАЗМАЛИ СЕМИНАРДА ЎРГАНАМИЗ

08-07-2020 17:52

Вилоят Мактабгача таълим бошқармаси ташаббуси билан  Самарқанд туманидаги 17-МТТ да “Пандемия шароитида давлат мактабгача таълим ташкилотлари иш фаолиятини  тиклаши ҳамда таълим-тарбия жараёнини ташкил этишда амалга ошириладиган устувор вазифалар” мавзусига бағишланган ўқув-амалий семинари ўтказилди.

 
Для чтения текста нажмите эту кнопку